FIVIM គឺជាបណ្ដាញនៃប្រព័ន្ធដែលប្រមូលផ្ដុំ វិភាគ និង ផ្សព្វផ្សាយពត៌មានផ្អែកតាមសំនួរដូចតទៅៈ

• តើអ្នកណាគ្មានសន្ដិសុខស្បៀង?
• តើពួកគេនៅទីណា?
• តើហេតុអ្វីបានជាពួកគេ គ្មានសន្ដិសុខស្បៀង ឬងាយរងគ្រោះ?

គោលបំណងសំខាន់របស់ FIVIM គឺៈ

• កែលំអគុណភាពទិន្នន័យស្ដីអំពីអសន្ដិសុខស្បៀង និងភាពងាយរងគ្រោះ
• ផ្ដល់លទ្ធភាពវិភាគស្ថានភាពសន្ដិសុខស្បៀងជាតិដោយងាយស្រួល
• បង្កើនលទ្ធភាពប្រើប្រាស់ពត៌មានតាមរយៈភ្ជាប់បណ្ដាញទាក់ទង និងចែករំលែក
• បង្កើនចំណាប់អារម្មណ៍ជាទូទៅលើបញ្ហាសន្ដិសុខស្បៀង

ស្ថាប័នទទួលបន្ទុក FIVIM នៅកម្ពុជា គឺ ក្រសួងកសិកម្ម រុក្ខាប្រមាញ់ និងនេសាទ (MAFF)។

សូចនាកររបស់ FIVIM

ក. ភាពមានស្បៀង

១. ភាគរយនៃផ្ទៃដីដាំដុះ គិតជាហិកតាសំរាប់ស្រូវរដូវវស្សា និងរដូវប្រាំងតាមបណ្ដាខេត្ដ
២. ភាពប្រែប្រួលនៃទិន្នផលស្រូវពីមួយឆ្នាំទៅមួយឆ្នាំ
៣. ផ្ទៃដីច្រូតកាត់ គិតជាហិកតាសំរាប់ស្រូវរដូវវស្សា និងរដូវប្រាំងតាមបណ្ដាខេត្ដ
៤. បរិមាណស្រូវលើស/មិនគ្រប់តំរូវការតាមបណ្ដាខេត្ដ
៥. ភាគរយនៃផ្ទៃដីដាំដុះស្រូវដែលបំផ្លាញដោយភាពរាំងស្ងួត
៦. ភាគរយនៃផ្ទៃដីដាំដុះស្រូវដែលបំផ្លាញដោយទឹកជំនន់
៧. ភាគរយនៃគ្រួសារដែលរងគ្រោះដោយគ្រោះធម្មជាតិ

ខ. លទ្ធភាពទទួលយកស្បៀង

៨. ភាគរយនៃគ្រួសារដែលចូលរួមក្នុងការដាំដំណាំរួមផ្សំ
៩. ភាគរយនៃគ្រួសារដែលមានគោ-ក្របី ឬជ្រូក
១០. ភាគរយនៃគ្រួសារដែលរស់ក្រោមបន្ទាត់ភាពក្រីក្រ
១១. ភាគរយនៃគ្រួសារដែលអាចប្រើប្រាស់ប្រភពទ្រព្យសម្បត្ដិរួម
១២. ភាគរយនៃគ្រួសារដែលមានដីដាំដុះតិចជាងឬស្មើនឹង០.៥ ហត
១៣. ភាគរយនៃគ្រួសារដែលគ្មានដី
១៤. ភាពប្រែប្រួលនៃតំលៃស្រូវ
១៥. អត្រាចេះអក្សររបស់បុរស (អាយុពី១៥-២៤ឆ្នាំ)
១៦. អត្រាបោះបង់សាលា
១៧. អត្រាចេះអក្សររបស់ស្ដ្រី (អាយុពី១៥-២៤ឆ្នាំ)
១៨. ភាគរយនៃគ្រួសារដែលទទួលប្រាក់ចំណូលក្រោពីកសិកម្ម
១៩. អត្រាបន្ទុកក្នុងគ្រួសារ
២០. អត្រាប្រាក់ខែសំរាប់ពលករគ្មានជំនាញនៅជនបទ
២១. អត្រាHIV/AIDS (អាយុ១៥-៤៩ឆ្នាំ)

គ. ការប្រើប្រាស់ និងការស្រូបអាហាររបស់សារពាង្គកាយ

២២. អត្រាមរណៈភាពរបស់កុមារ
២៣. ទារកកើតមិនគ្រប់ទំងន់
២៤. អត្រាក្រិនក្នុងចំណោមកុមារ (អាយុក្រោម ៥ឆ្នាំ)
២៥. អត្រាទំងន់ក្រោមកំរិតស្ដង់ដា ក្នុងចំណោមកុមារ (អាយុក្រោម ៥ឆ្នាំ)
២៦. អត្រាស្គមស្គាំង ក្នុងចំណោមកុមារ (អាយុក្រោម ៥ឆ្នាំ)
២៧. អត្រាជំងឺស្លេកស្លាំងដោយខ្វះជាតិដែកក្នុងចំណោមស្ដ្រីមានផ្ទៃពោះ
២៨. ភាគរយនៃគ្រួសារប្រើប្រាស់អំបិលអ៊ីយ៉ូដ
២៩. ភាគរយនៃគ្រួសារដែលអាចប្រើប្រាស់ទឹកស្អាត
៣០. ភាគរយនៃគ្រួសារដែលអាចប្រើប្រាស់បង្គន់-លូអនាម័យ

ក្រាភិច/ផែនទីខាងក្រោមជាបទបង្ហាញទាក់ទងទៅនឹងប្រព័ន្ធកំណត់ផែនទី និងពត៌មានភាពងាយរងគ្រោះ និងអសន្ដិសុខ​ ស្បៀងជាមួយនឹងទិន្នន័យដកស្រង់ពីក្រសួងកសិកម្ម រុក្ខាប្រមាញ់ និងនេសាទ