ក្រុម​គ្រូ​បង្គោលថ្នាក់ជាតិ​លើ​វិស័យ​សន្តិសុខ​ស្បៀង និង​អាហារូបត្ថម្ភ

ក្នុង​ពេល​បច្ចុប្បន្ន ក្រុមប្រឹក្សា​ស្តា​អភិវឌ្ឍន៍​វិស័យ​កសិកម្ម និង​ជនបទ​សហការ​យ៉ាង​ជិតស្និត​ជាមួយ​អង្គការស្បៀង និង​កសិកម្ម សហប្រជាជាតិ​ក្រោម​ក្របខ័ណ្ឌ​កម្មវិធី​ភាព​ជា​ដៃគូរ​អង្គការស្បៀង និង​កសិកម្ម និង​ប្រទេស​ហូឡង់​នៃ​គំរោង​កាត់បន្ថយ​ភាពក្រីក្រ សន្តិសុខស្បៀង​នៅ​កម្ពុជា​ខិតខំប្រឹងប្រែង​ក្នុងការ​បញ្រ្ជាប​បញ្ហា​សន្តិសុខស្បៀង និង​អាហារូបត្ថម្ភ​ដំណើរ​ការ​រៀបចំ​ផែនការ និង ការសំរេចចិត្ត​នៅ​ថ្នាក់ជាតិ និង​ថ្នាក់ខេត្ត ។ គំរោង​នេះ​មាន​វិធីសាស្រ្ត​ចំបង​រួមមាន​ការកសាង​សមត្ថភាព​សំរាប់​អ្នក​សំរេចចិត្ត និង អ្នក​ពាក់ព័ន្ធ​នឹង​គោលនយោបាយ​នៅ​ថ្នាក់ជាតិ និង​ថ្នាក់ខេត្ត ពង្រឹង​ការសម្របសម្រួល​រវាង​ប្រព័ន្ធ​ផ្សេងៗ​ក្នុង​ការ​ប្រមូលវិភាគ និង​ចែក​រំលែក​ព័ត៍មាន​សន្តិសុខស្បៀ និង​អាហារួបត្ថម្ភ និងគំរោង​សាកល្បង​ការ​បញ្រ្ជាប​នៃ​សន្តិសុខស្បៀង និង​អាហារូបត្ថម្ភក្នុង​ដំណើរការ​រៀបចំ​វិមជ្ឈការ ។

ដូចបាន​រៀបរាប់​ខាងលើ ក្រុមប្រឹក្សាស្តារអភិវឌ្ឍន៍​វិស័យកសិកម្ម និង​ជនបទ ដោយ​សហការ​​ជា​មួយ​កម្មវិធី ភាពជាដៃគូនៃ ប្រទេសហូឡង់ និង​អង្គការស្បៀង និង​កសិកម្មនៃ​សហប្រជាជាតិ បាន​ប្រារព្ធ​កិច្ច​ប្រជុំ​ពិភាក្សា​នៅក្នុង ខែកុម្ភះ ឆ្នាំ២០០៧ ដើម្បី បង្កើត​គំរោង​មេរៀន​សំរាប់វគ្គបណ្តុះបណ្តាល​ស្តីពី សន្តិសុខស្បៀង និង​អាហារូបត្ថម្ភ នៅ​ថ្នាក់ជាតិ និង​ថ្នាក់ខេត្ត ។ ចាប់​តាំងពីគំរោង​មេរៀន​ដែលមាន​លក្ខណៈ ស្តង់ដាសំរាប​វគ្គបណ្តុះបណ្តាល​ស្តីពី​សន្តិសុខស្បៀង និង​អាហារូបត្ថម្ភ​ដែល​ត្រូវ​បាន​បង្តើត​ដោយ មានការ​គាំទ្រ​លក្ខណៈ បច្ចេកទេសពី​លោក Mr. Gorge Bokelo អ្នក​ជំនាញ​មកពី​មជ្ឈមណ្ឌលបណ្តុះបណ្តាល​អន្តរជាតិ អ៊ីនវេន ប្រទេសអាឡឺម៉ង់ ហើយ​បាន​អនុម័ត​ដោយ​អង្គសិក្ខាសាលា ហើយ​ក្រុមប្រឹក្សាស្តារអភិវឌ្ឍន៍វិស័យកសិកម្ម និង​ជនបទ បាន​ផ្តួចផ្តើម​បង្តើត​នូវ ក្រុមគ្រូបង្គោលថ្នាក់ជាតិ​សំរាប់​វគ្គបណ្តុះបណ្តាល​សន្តិសុខស្បៀង និង​អាហារូបត្ថម្ភ​ថ្នាក់ជាតិ នៅកម្ពុជាដោយ មានការឧបត្ថម្ភ​ពីអង្គការស្បៀង និងកសិកម្ម​សហប្រជាជាតិ​ក្រោម​ក្របខ័ណ្ឌកម្មវិធី​ភាពជាដៃគូ ប្រទេសហូឡង់ និង​អង្គការស្បៀង និង​កសិកម្ម​សហប្រជាជាតិ ដោយ​មានការ​សហការ​យ៉ាងជិតស្និត​ជាមួយ​នឹង​គណៈកម្មាធិការសហប្រតិបត្តិការ​សំរាប់ កម្ពុជា ។ គោល​បំណង​សំខាន់​នៃ​ការ​បង្កើត​ក្រុមគ្រូបង្គោលថ្នាក់ជាតិ​នេះឡើង គឺ​ដើម្បី​គាំទ្រ​ដល់​និរន្តភាព​នៃ​សកម្មភាព​វគ្គបណ្តុះបណ្តាល​ស្តីពី​សន្តិសុខស្បៀង និង​អាហារូបត្ថម្ភ​នៅប្រទេសកម្ពុជា ។

ក្រុមគ្រូបង្គោលថ្នាក់ជាតិ ដែល​ត្រូវ​បាន​សម្របសម្រួល​ដោយ​ក្រុមប្រឹក្សាស្តារអភិវឌ្ឍន៍​វិស័យកសិកម្ម និង​ជនបទ ហើយ​នឹង​ក្រុមគ្រូបង្គោលជំនាញ​មក​ពី​ស្ថាប័ន​ផ្សែងៗ ដែល​មាន​ចំណេះដឹង​មូលដ្ឋានគ្រឹះ និង​ទស្សន​វិស័យខុសៗគ្នា​ដែល​ទៅ​តាម​បរិបទ​នៃ​វគ្គបណ្តុះបណ្តាល​សន្តិសុខស្បៀង និង​អាហារូបត្ថម្ភ ហើយ​ក្រុមគ្រូបង្គោលថ្នាក់ជាតិនេះ មាន​គោលបំណង​ផ្តល់​សេវាកម្ម​បណ្តុះបណ្តាល​លើវិស័យសន្តិសុខស្បៀង និង​អាហារូបត្ថម្ភ រឺ​ប្រធានបទ​ដែល​ពាក់ព័ន្ធ​នឹង​សន្តិសុខស្បៀង និង​អាហារួបត្ថម្ភ ។ អាស្រ័យដូចនេះ ក្រុមប្រឹក្សាស្តាអភិវឌ្ឍន៍វិស័យកសិកម្ម និង​ជនបទ តាម​រយះ​ក្រុមគ្រូបង្គោលថ្នាក់ជាតិនេះ គឺ​កំពុង​ស្វែង​រកការសហការ ជា​មួយ​នឹង បណ្តាក្រសួង/ភ្នាក់ងារស្ថាប័នរដ្ឋាភិបាល អង្គការជាតិ និងអន្តរជាតិ អង្គការ​មិនមែន​រដ្ឋាភិបាល ក៏ដួចជាសង្គមស៊ីវិល​សកម្មភាព​កសាង​សមត្ថភាព​នាពេលអនាគតលើផ្នែកសន្តិសុខស្បៀង និង​អាហារូបត្ថម្ភ ។

សំរាប់ព័ត៍មានបន្ថែមសូមទំនាក់ទំនងៈ

• ក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ
• អាគារលេខៈ ១៣៤. ផ្លូវ ព្រះមុន្នីវង្ស. សង្កាត់ផ្សារថ្មី៣ ខ័ណ្ឌដូនពេញ. ភ្នីពេញ
• ទូរស័ព្ទៈ ០២៣​២២៤​៦១៣ / ០២៣​៤២៨ ៤៦៤
• ហ្វាក់ៈ (+៨៥៥) ២៣-៤២៦ ៥២៤
• អ៊ីម៉ែលៈ card@online.com.kh រឺ foodsecurity@online.com.kh
• វិបសាយៈ www.foodsecurity.gov.kh