សេវាកម្មផ្ដល់ទីតាំងមិនគិតថ្លៃសំរាប់វិបសាយពាក់ព័ន្ធនឹងវិស័យសន្ដិសុខស្បៀង និង អាហារូបត្ថម្ភនៅកម្ពុជា

ប្រព័ន្ធព័ត៌មានសន្ដិសុខស្បៀង និងអាហារូបត្ថម្ភ​ (ស.ស.អ) មានសេវាកម្មផ្ដល់ទីតាំងសំរាប់វិបសាយដោយមិនគិតថ្លៃ​ដល់អង្គការដែលធ្វើការក្នុងវិស័យសន្ដិសុខស្បៀង និងអាហារូបត្ថម្ភនៅកម្ពុជា។ សេវាកម្មនេះមានសារៈប្រយោជន៍ ជាពិសេស​ចំពោះអង្គការ ឬស្ថាប័នតូចដែលប្រភពធនធាននៅមានកំរិត ។ ក្រុមប្រព័ន្ធព័ត៌មានសន្ដិសុខស្បៀង និង​អាហារូបត្ថម្ភ មានសេចក្ដីសោមសន្សរីករាយដើម្បីផ្ដល់ជំនួយបន្ដិចបន្ដួចសំរាប់ជាគំនិតរចនា និងដំណោះស្រាយ​ចំពោះ​បញ្ហា​បច្ចេកទេសមួយចំនួន ទោះបីជាយ៉ាងណាក៏ដោយស្ថាប័ន ឬអង្គការនីមួយៗត្រូវមានការទទួលខុស​ត្រូវជាចំបងក្នុង​ការបង្កើត និងថែរក្សាវិបសាយរបស់ខ្លួន ។ ​ សំរាប់ព័ត៌មានបន្ថែម សូមមើលលក្ខខ័ណ្ឌនៃសេវាកម្មខាងក្រោម ។

ប្រសិនបើលោកអ្នកត្រូវការដាក់វិបសាយដែលទាក់ទងវិស័យសន្ដិសុខស្បៀង និងអាហារូបត្ថម្ភជាមួយប្រព័ន្ធព័ត៌មាន ស.ស.អ សូមធ្វើការទំនាក់ទំនងជាមួយជំនួយការវិបសាយនៃប្រព័ន្ធព័ត៌មាន ស.ស.អ ដើម្បីពិភាក្សា​លើបញ្ហានេះ​បន្ថែម​ទៀត ។ ក្រុមការងារប្រព័ន្ធព័ត៌មាន ស.ស.អ នឹងខិតខំអោយអស់លទ្ធភាពដើម្បីជួយសំរបសំរួលក្នុងដំណើរ​ការរៀប​ចំវិបសាយរបស់លោកអ្នក ។

លក្ខខ័ណ្ឌនៃសេវាកម្ម

• មាតិកាដែលដាក់នៅលើវិបសាយរបស់លោកអ្នកចាំបាច់ត្រូវតែពាក់ព័ន្ធនឹងវិស័យសន្ដិសុខស្បៀង និងអាហារូបត្ថម្ភនៅកម្ពុជា ។

• អង្គការ ឬស្ថាប័នរបស់លោកអ្នកត្រូវទទួលខុសត្រូវទាំងស្រុងលើការបង្កើត រចនា ការគ្រប់គ្រង និងការថែរក្សាវិបសាយជានិរន្ដភាព ។ ហេតុដូចនេះអង្គការ ឬស្ថាប័នគួរតែមានបុគ្គលិកមួយរូប ដែលអាចដោះស្រាយបញ្ហាបច្ចេកទេសទាក់ទងនឹងវិបសាយ ហើយនិងសំរាប់ប្រមូលនូវមាតិកា ក៏ដូចជាការរៀបចំនូវមាតិកាដាក់នៅលើវិបសាយ ។

• មានតែវិបសាយសាមញ្ញធម្មតាប៉ុណ្ណោះ (វិបសាយ សតាតិច ដែលគ្មានទំនាក់ទំនងជាមួយមូលដ្ឋានទិន្នន័យ) ដែលអាចទទួលឱ្យដាក់នៅលើប្រព័ន្ធ ព័ត៌មាន ស.ស.អ នេះបាន ។

• វិបសាយរបស់អង្គការ ឬស្ថាប័ននឹងត្រូវបានផ្ដល់ជាអាស័យដ្ឋានដាក់នៅបន្ទាប់ពីប្រព័ន្ធព័ត៌មាន ស.ស.អ (Sub domain) ឧទាហរណ៍ www.foodsecurity.gov.kh/your-sitename/

•  វិបសាយទាំងអស់នោះតំរូវអោយមានដាក់បន្ថែមនូវផ្ទាំងបដានៅលើគេហទំព័ររបស់ខ្លួន ដែលអាចភ្ជាប់​ត្រលប់​ទៅនឹងគេហទំព័រប្រព័ន្ធព័ត៌មាន ស.ស.អ www.foodsecurity.gov.kh
•  រូបភាពទំហំធំ (72 pixels per inch) ឯកសារវីដេអូ រឺឯកសារសំលេង នឹងមិនអាចទទួលបានទេដោយសារតែ

ឯកសារទាំងនោះមានទំហំធំ ។

• ហាមមិនអោយបញ្ចូល Spyware មេរោគ ឬកម្មវិធីដែលបង្កគ្រោះថ្នាក់ទៅលើវិបសាយទាំងនោះ ។

ហាមមិនអោយបញ្ចូលនូវមាតិកាមិនសមរម្យ ឬក៏ខុសច្បាប់ដាក់នៅលើវិបសាយទាំងនោះ ។ អង្គការ ឬស្ថាប័នត្រូវទទួលខុសត្រូវទាំងស្រុងចំពោះមុខច្បាប់រាល់មាតិកាដែលបានដាក់បញ្ចូលលើវិបសាយរបស់ខ្លួន។

• ក្រុមការងារប្រព័ន្ធព័ត៌មាន ស.ស.អ មានសិទ្ធិមិនផ្ដល់ទីតាំងសំរាប់ដាក់វិបសាយ​និងមានសិទ្ធិមិន​ផ្ដល់មូលហេតុ​ក្នុងការសំរេចចិត្ដនោះ ។