កម្មវិធីរួមសម្រាប់កុមារសន្ដិសុខស្បៀងនិងអាហារូបត្ថម្ភកម្ពុជា

កម្មវិធីរួមសម្រាប់កុមារសន្ដិសុខស្បៀងនិងអាហារូបត្ថម្ភកម្ពុជា ដោះស្រាយបញ្ហាសំខាន់ៗសម្រាប់សុខភាព​របស់ស្ដ្រី​ និង​កុមារ​ ព្រមទាំងជាអាទិភាពដ៏ខ្ពស់បំផុតសម្រាប់អាហារូបត្ថម្ភនិងសន្ដិសុខស្បៀងដែលបាន ទទួលស្គាល់ដោយ​រាជ​រដ្ឋាភិបាលកម្ពុជា ក៏ដូច ជាក្រុមអង្គការសហប្រជាជាតិប្រចាំប្រទេស និងផ្នែកពាក់ព័ន្ធដ៏ទៃៗ ទៀតនៅក្នុងប្រទេស ។ កម្មវិធីរួមនឹងចូលរួមឈានទៅសម្រេច គោលដៅអភិវឌ្ឍន៍សហស្សវត្សរ៍ចំនួន៣ ៖ គោលដៅអភិវឌ្ឍន៍ សហស្សវត្សរ៍​ទី១-លុបបំបាត់ភាពក្រីក្រ និងភាពស្រេកឃ្លាន គោលដៅអភិវឌ្ឍន៍សហស្សវត្សរ៍ទី៤-កាត់បន្ថយ មរណភាពកុមារនិង គោលដៅអភិវឌ្ឍន៍សហស្សវត្សរ៍ទី៥-ការធ្វើឱ្យប្រសើរឡើង នូវសុខភាពមាតា ។ ជាងនេះទៅទៀតកម្មវិធីរួម​នឹងចូលរួម​ដោយផ្ទាល់ទៅនឹងគោលដៅយុទ្ធសាស្ដ្រអភិវឌ្ឍន៍ភ្ជាប់ទៅក្នុងក្របខ័ណ្ឌ យុទ្ធសាស្ដ្រជាតិសម្រាប់សន្ដិសុខ​ស្បៀង​ និង​អាហារូបត្ថម្ភនៅកម្ពុជា២០០៨-២០១២។​ កម្មវិធីរួមនឹងធ្វើឱ្យមានវិភាគទានយ៉ាង​ សំខាន់ និងនិរន្ដរភាពដើម្បី​កាត់​បន្ថយ​បញ្ហាកង្វះអាហារូបត្ថម្ភក្នុងចំណោមកុមារដែលមានអាយុ ០-២៤ ខែ និងស្ដ្រីមានផ្ទៃពោះ និង បំបៅ​ដោះកូន​ព្រម​ទាំងសន្ដិសុខស្បៀងដែលបានបង្កើតឡើងតាមរយៈដំណើរការពិគ្រោះយោបល់មួយ ដែលចូលរួមដោយដៃគូ​រដ្ឋាភិបាល អង្គការសហប្រជាជាតិនិងផ្នែកពាក់ព័ន្ធនានា ។